" زي ما غيرنا النظام عايزين نغير نفسنا"

بيان رقم 1 من مصري بيحب البلد دي إلى كل الشعب المصري
أنا شايف ان التغيير الأهم علشان نرجع مصريين جامدين بجد نحاول نغير الحاجات دي في نفسنا وكل اللي حوالينا وياريت اللي عنده حاجة يضيفها ويبقى الموضوع مفتوح للكل:
 نبطل الرشوة والمحسوبية والفساد فوراً.
 ما نكسرش إشارة مرور ونفكرها شطارة.
 ما نرميش زبالة في الشارع ونحافظ على نظافته.
 لا للتزوير في أي شئ مهما كان تافه ولأي حد حتى لو إبنك.
 لا للتزويغ من الشغل أو الكلية أو المدرسة.
 نرجع نراعي شعور بعض ونحب بعض ونخاف على بعض.
 نبطل معاكسات وتحرش بالبنات في الشوارع والأماكن العامة.
 فكك من المخدرات بكل أنواعها عايزين عقول صاحية الأيام اللي جاية.
 ما نخليش ماتش كورة يفرق بيننا كمصريين " أهلي وزمالك" أو بيننا كعرب "مصر والجزائر".
 ترجع العلاقة بين المسلمين والمسيحيين زي ما كانت زمان.
 نسمع رأي غيرنا حتى لو بيخالفنا.
ياريت نبدأ من النهاردة والله مصر تبقى من أحسن الدول ولا تنسوا " إن الله لا يغيرُ ما بقومٍ حتى يغيروا ما بأنفسِهم" صدق الله العظيم.